A asociación semente intégrase na Coordinadora Galega de ONG

Semente intégrase na Coordinadora Galega de ONG
Desde hai unhas semanas, Semente forma parte da Coordinadora Galega de ONG para ou Desenvolvemento.

Despois de varias reunións e dunha presentación que membros da ONG realizaron o pasado 25 de marzo en Santiago, para dar a coñecer o traballo que Semente realiza en India e todos os aspectos da organización, os membros da Coordinadora votaron favorablemente a integración da ONG na entidade.

A Coordinadora Galega de ONGD é unha plataforma social e política que agrupa a máis de 45 ONGs galegas comprometidas coa consecución da xustiza social e o fin das desigualdades globais. Son organizacións que traballan desde Galicia para construír un modelo de cooperación transformadora baseado no desenvolvemento sustentable e no enfoque feminista e de dereitos humanos.

coordinadora-angeles
Anxos Martín, de Semente, presentando o traballo da ONG ante a Asemblea Xeral da Coordinadora
A Coordinadora está tamén integrada na Coordinadora de ONGD-España como membro de pleno dereito e ten entre os seus obxectivos promover a incidencia na mellora da Política Pública e social de cooperación para o desenvolvemento, promover a educación para a cidadanía global, impulsar a comunicación para o desenvolvemento ou aumentar a lexitimidade da coordinadora como representante do sector das ONGD en Galicia.

Entrar a formar parte desta entidade, permitirá a Semente reforzar a súa incidencia e o seu traballo de sensibilización en Galicia xa que, entre outras cousas, poderá formar parte das distintas comisións de traballo que a Coordinadora, que abordan temáticas tan relevantes como o xénero, a educación para o desenvolvemento ou o comercio xusto. Ademais, poderase participar en campañas conxuntas de concienciación e en accións de incidencia política.

PUBLICIDADE EN XORNAL GALEGO
PUBLICIDADE EN XORNAL GALEGO

Igualmente, todos os voluntarios e traballadores da ONG en Galicia poderán participar na Coordinadora e acudir a formacións específicas.

Deixa unha resposta