A serie do libro prohibido “Fariña” todo un exito

Todo o que tes que saber sobre ‘Fariña’. Xa se está preparando a segunda tempada.

‘Fariña’ estivo a piques de non estrearse. Uns meses antes de terminar a gravación da serie, os creadores non estaban seguros de que AtresMedia decidísese a colocala na súa grella. Con todo, os acontecementos, o secuestro do libro por parte do xuíz co mesmo nome, precipitaron a súa estrea e fixeron que fose un éxito. Tanto o primeiro capítulo como o tres que se emitiron ata o momento foron un éxito de audiencia, converténdoa na serie da que todo o mundo fala.

Narcos xa sementara o campo. A serie de Netflix sobre Pablo Escobar arrasou na plataforma dixital e se os colombianos saben de narcotráfico, os españois con Galicia e Cádiz, non quedamos atrás.

Ata fai nada esta serie era impensable porque os galegos só valían nas producións nacionais como secundarios graciosos. Ademais, en cada capítulo remárcase a identidade da historia: as expresións, os diálogos, os decorados son como son porque son de onde son. Oubiña tiña ese acento tan pechado que interpreta á perfección Carlos Branco e os escenarios son completamente reconocibles para todas as persoas que pisaron algunha vez a zona de Cambados.

A retirada do libro deulle mais bombo a serie. O xuíz titular do Xulgado de Instrución número 7 de Collado Villalba (Madrid) ordenou a execución do secuestro de Fariña, o ensaio xornalístico do reporteiro do PAÍS Nacho Carretero sobre o narcotráfico galego na década dos 80 e 90, como medida cautelar pola demanda presentada polo exalcalde do Grove José Alfredo Bea Gondar. O secuestro foi pedido pola defensa do exregidor despois de que en xaneiro de 2016 demandase a Carretero e ao seu editorial, Libros do KO, por un delito de “inxurias e calumnias” contra el ao relatar a súa participación nunha descarga de cocaína. Ademais, a maxistrada tamén ordenou a prohibición de imprimir e distribuír máis exemplares da obra ata que haxa sentenza, prevista para abril ou maio.

PUBLICIDADE EN XORNAL GALEGO

Os actores non son os de sempre. O máis coñecido do elenco é Javier Rei, famoso polo seu papel en ‘Velvet’ os demais son actores elixidos pensando nos seus personaxes, non no número de seguidores dunha rede social. E isto dálle moita calidade e credibilidade á trama.

PUBLICIDADE EN XORNAL GALEGO

A historia como materia prima. É dicir, isto pasou e demostra que moitas veces a realidade supera á ficción e que facer unha serie para que a xente saiba como ocorreron as cousas é boa idea e, ademais, funciona.

Deixa unha resposta