Cibercorresponsales lanza a sua nova web

Madrid, 5 de xuño de 2018. Desde que se escribiu o primeiro post o 29 de xuño de 2010, miles de mozos e mozas plasmaron as súas inquietudes, opinións e denuncias na web da rede de novos xornalistas Cibercorresponsales; unha iniciativa da Plataforma de Infancia que se enmarca dentro da súa estratexia de participación Infantil A Infancia Opina.

Actualmente, máis de 1.800 mozos e mozas escriben en Cibercorresponsales a través de máis de 200 grupos de intervención social ou educativa en institutos, asociacións, concellos e ONGs. Un guía adulto traballa con eles temáticas relacionadas cos dereitos da infancia e anímalles a reflexionar e escribir sobre os temas que lles preocupan.

Hoxe, oito anos despois do seu lanzamento, Cibercorresponsales cambia de face. A nova web, que se parece máis a un xornal dixital, incorpora a posibilidade de que os mozos e mozas incorporen aos seus artigos peticións e propostas concretas sobre os temas que lles preocupan, información que recolleremos desde a Plataforma de Infancia. Desta maneira Cibercorresponsales convértese nunha ferramenta útil para facer un seguimento do cumprimento dos dereitos da infancia en España.

Ademais, tamén como novidade, os guías adultos contan nesta nova versión de Cibercorresponsales coa súa propia sección onde poden informarse, compartir experiencias e actualizarse en metodoloxías e boas prácticas para aplicar cos seus grupos infantís e xuvenís.

PUBLICIDADE EN XORNAL GALEGO
PUBLICIDADE EN XORNAL GALEGO

A nova web realizouse co apoio de SocialCo e tamén de mozos e mozas de grupos de Cibercorresponsales de Sigüenza (Guadalaxara), Mollerussa (Lleida) e Alcázar de San Juan (Cidade Real), que participaron achegando as súas ideas e propostas e probando as novas funcionalidades.

Deixa unha resposta