Decathlon reciclara productos deportivos de xeito solidario

A cadea de tendas de deporte pon en marcha o seu proxecto Segunda Vida co que busca asegurar unha correcta e responsable xestión dos seus produtos ao final da súa vida útil, xa sexa a través da doazón ou a reciclaxe.

Para iso, Decathlon asinou un acordo de colaboración con Koopera, unha cooperativa na que participan Cooperativas de Iniciativa Social e Empresas de Inserción impulsadas por Cáritas.

Grazas a este acordo, os usuarios de Decathlon poderán entregar todas as pezas e o calzado que xa non utilicen e que poidan ser reutilizables ou non así como o pequeno material deportivo que poida reutilizarse ou repararse facilmente nos colectores situados no interior e exterior de 138 tendas Decathlon.

Posteriormente, Koopera encargarase de recoller as pezas, calzado e material dos colectores de Decathlon e entregarllo a quen máis o necesitan da man de Cáritas ou convertelos en pezas novas grazas á súa reciclaxe. Neste sentido, nas plantas que Koopera ten en Valencia e o País Vasco sepáranse os tecidos das pezas para crear stock de algodón e poliéster, entre outros materiais, que posteriormente son reutilizados por Decathlon, entre outras compañías, para a produción de novos produtos.

PUBLICIDADE EN XORNAL GALEGO

De feito, un dos obxectivos de Decathlon é empregar o 100% de poliéster sustentable no proceso de produción dos seus produtos de aquí a 2020.

COLABORANDO COS QUE MÁIS O NECESITAN
A elección de Koopera como socio colaborador no proxecto Segunda Vida non foi casual e é que o obxectivo de Koopera non é outro que a inserción socio laboral de persoas en situación ou risco de exclusión social mediante actividades de servizos ambientais, reutilización e reciclaxe, entre outras.

PUBLICIDADE EN XORNAL GALEGO

Grazas ao proxecto Segunda Vida, Decathlon non só garante unha xestión responsable de todos os seus produtos ao final da súa vida útil senón que contribúe a mellorar a vida das persoas que máis o necesitan, sinalan desde a compañía.

Deixa unha resposta