Nobel de Medicina a inmunoterapia contra o cancro

Nobel de Medicina á inmunoterapia contra o cancro

O estadounidense James P. Allison e o xaponés Tasuku Honjo foron galardoados co Premio Nobel de Medicina 2018 polo seu traballo que revolucionou o tratamento do cancro.

O estadounidense James P. Allison e o xaponés Tasuku Honjo foron galardoados co Premio Nobel de Medicina 2018 polo seu traballo que revolucionou o tratamento do cancro.

O estadounidense James P. Allison e o xaponés Tasuku Honjo gañaron o Nobel de Medicina polos seus estudos de terapias contra o cancro, informou este luns o Instituto Karolinska de Estocolmo.

 

PUBLICIDADE EN XORNAL GALEGO

Ambos os investigadores foron premiados polos seus avances en inmunoterapia, que se serve da habilidade do sistema inmune para atacar as células cancerosas, informou o Instituto Karolinska en Estocolmo.

 

Allison estudou unha proteína que “funciona como un freo no sistema inmune”, sinalou o comité Nobel. O descubrimento de Honjo dunha proteína en células inmunes levou a tratamentos “impresionantemente efectivos” na loita contra o cancro.

 

O inmunólogo molecular e químico xaponés Tasuku Honjo expresou o seu desexo de que o premio poida animar a máis investigadores a ampliar os estudos e manter a loita contra o cancro.

 

“Espero que este tratamento siga salvando máis vidas”, afirmou o investigador, de 76 anos, nunha rolda de prensa que ofreceu na Universidade de Kioto (centro), onde continúa exercendo como profesor invitado, unha hora despois de coñecer que recibira o Nobel, que comparte co estadounidense James P. Allison.

O ano pasado foron premiados os estadounidenses Jeffrey C. Hall, Michael Rosbash e Michael W. Young polos seus descubrimentos dos mecanismos moleculares que regulan o ritmo circadiano, é dicir, o reloxo biolóxico.

 

Cada Premio Nobel está dotado con nove millóns de coroas suecas ($1 millón) e a cerimonia de entrega ten lugar o 10 de decembro, coincidindo co aniversario da morte do seu fundador, Alfred Nobel.

 

Mañá martes anúnciase o Nobel de Física e o mércores o de Química. O venres darase a coñecer elde a Paz e o luns 8 o de Economía.

 

PUBLICIDADE EN XORNAL GALEGO

Este ano non se entregará o Nobel de Literatura, pois a Academia Sueca das Letras atópase inmersa nun escándalo de abusos sexuais e corrupción que fixo que se cancelase a súa concesión en 2018.

Deixa unha resposta