Papilio, dende 1997 a revista da asociación galega de lupus

Papilio, dende 1997 a revista da asociación galega de lupus

Papilio é a publicación de AGAL. Está na asociación desde as súas orixes en 1997. Esta revista xurdiu ante a necesidade de l@s soci@s de coñecer a súa enfermidade e para que servise de vínculo e relación entre tod@s nosotr@s. Pero a revista dábaselle non só a l@s soci@s senón tamén a especialistas, hospitais e

Papilio é a publicación de AGAL. Está na asociación desde as súas orixes en 1997. Esta revista xurdiu ante a necesidade de l@s soci@s de coñecer a súa enfermidade e para que servise de vínculo e relación entre tod@s nosotr@s. Pero a revista dábaselle non só a l@s soci@s senón tamén a especialistas, hospitais e centros de saúde, para dar a coñecer a enfermidade.

Agora contamos cunha subvención do Concello de Narón para axudar coa súa publicación.

A través dos anos sufriu transformacións non só de aspecto senón tamén de contidos.

Ao principio era moi sinxela e humilde, como a nosa asociación, con artigos moi claros sobre o que é o lupus, de forma que todos puidésemos entendelos.

Despois AGAL e Papilio foron crecendo e madurando, cambiou o seu aspecto físico e tamén os seus contidos; a revista fíxose máis grande. Dábase información sobre a enfermidade, pero tamén sobre os congresos ou asembleas ás que asistiamos.

Posteriormente, Papilio volve sufrir outra transformación exterior. Modernízase e como os artigos, mira cara ao futuro. Os temas tratan do lupus como sempre, pero tamén de todos os medicamentos que van xurdindo ou que se están ensaiando. Das asistencias a todo tipo de congresos e das colaboracións coas federacións ás que pertencemos.

Da última etapa é da que vos imos a ensinar as publicacións que vaian xurdindo para que saibades que podedes atopar en cada unha.

AGAL fundouse en 1997. É unha asociación sen ánimo de lucro. Formámola enfermos de Lupus e tamén familiares e/ou amigos.
Pretendemos que todos xuntos podamos conseguir unha serie de vantaxes e recoñézanse as nosas dificultades.

Os obxectivos de AGAL, os seus fins, así como os deberes e dereitos dos asociados están recollidos nos nosos estatutos que podes consultar en calquera momento a páxina de Estatutos de AGAL.

Para facerche soci@ o que tes que facer é enviar un formulario FICHA SOCIO AGAL debidamente cuberto, xunto coa túa foto (recente) á nosa oficina en Solís, s/n (Eirís de Arriba) ? 15009 A Coruña. A cota é de 50? ao ano.

As actividades de cada delegación están organizadas en función das demandas de cada zona, pero hai uns totems sacros para todos como son:

as asembleas xerais que organizamos cada ano,
as xornadas galegas de Lupus que son anuais e
a revista Papilio que se ofrece aos socios gratuitamente e na que se recollen as principais noticias e comentarios dos socios.
Agora tamén nos atoparás a través de Facebook e destas páxinas web.
Cando se creou a asociación o primeiro que desexamos é ofrecer un punto de encontro para todos aqueles que estaban afectados por Lupus (de forma directa como pacientes ou indirecta como familiares e/ou amigos). Pero co paso dos anos as nosas aspiracións han ido aumentando aínda que nunca esquecemos esa primeira intención.

Xuntarnos, coñecernos, reunirnos fai que vexamos como compartimos moitas cousas e como superamos moitos obstáculos.

Autor

Xornal Galego
ADMINISTRATOR
PROFILE

Posts Carousel

Leave a Comment

You must be logged in to post a comment.

Autor