Canadense asasinou o seu pai millonario para herdar a súa fortuna

Canadense asasinou o seu pai millonario mentres durmía para herdar a súa fortuna

Fixo crer ás autoridades que o seu pai se suicidou, pero unha mentira súa delatouno

Canadense asasinou o seu pai millonario mentres durmía para herdar a súa fortuna

O canadense Dellen Millard, de 32 anos, foi declarado culpable polo asasinato do seu pai este luns. Millard fixera crer ás autoridades que o seu proxenitor se suicidou, pero unha mentira súa delatouno.

Esta historia remóntase ao 29 de novembro de 2012, cando o seu pai, o exitoso empresario da aviación, Wayne Millard, apareceu morto sobre a súa cama. Unha bala atravesara o seu ollo esquerdo e aloxouse no seu cerebro. Todo apuntaba a que se suicidou.

PUBLICIDADE EN XORNAL GALEGO

Nun inicio, a Policía clasificou o caso como un suicidio. Por entón, Dellen afirmou que o seu pai era alcohólico, estaba deprimido e que durante toda a súa vida levou unha gran tristeza que el non coñeceu, pois Wayne nunca llo quixo mostrar. Ao día seguinte, Dellen herdou a fortuna do seu proxenitor. No entanto, os empregados de MillardAir, a compañía da súa familia, dixeron que había tensións entre Dellen e o seu pai e isto fixo sospeitar á Policía.

De acordo coa BBC, fiscais preguntáronlle a Dellen que fixo o día da morte do seu pai e o contestou que estivo na casa do seu amigo Smich, pero era mentira. Os rexistros telefónicos revelaron que en realidade ese día estivo en casa do seu proxenitor.

Logo, descubriron que tiña unha arma ilegal co ADN de Millard e a fiscalía sostivo que o mozo quería matar o seu pai para conservar a herdanza, que servía para financiar un novo negocio de aviación.

Outros asasinatos

PUBLICIDADE EN XORNAL GALEGO

Antes do asasinato do seu pai, Milard xa cumplia condena de cadea perpetua por matar a Laura Babcock, unha muller de 24 anos con quen sostivera unha relación sentimental e tamén a Tim Bosma, un canadense de 32 anos.