Continúa o debate político pola homeopatía en España

Representantes do Ministerio de Sanidade expuseron este mércores pasado (07/11/2018) ante as CC.AA. o plan do Goberno fronte ás pseudoterapias. Mentres, a Asemblea Nacional de Homeopatía anuncia que se dispón a colaborar.

Ademais de propostas para actualizar o Plan Nacional da Hepatite C e a carteira de servizos comúns ou aprobar o calendario vacunal común para adultos, un dos asuntos máis relevantes que se debaterán na Delegada é o plan de Sanidade “para protexer ás persoas fronte ás pseudoterapias”.

A ministra de Sanidade avanzou que traballarían “estreitamente” co Ministerio de Ciencia para o plan fronte ás pseudoterapias

Aproveitando que na Comisión Delegada vaise a debater este asunto, a Asemblea Nacional de Homeopatía emitiu un comunicado no que mostraron a Sanidade a súa “disposición para achegar ás autoridades sanitarias as numerosas publicacións existentes que confirman a evidencia científica da homeopatía”. Así mesmo, instaron a María Luisa Carcedo a “traballar de forma conxunta para pór en marcha unha estratexia seria, rigorosa e obxectiva contra as pseudociencias”.

Lembran neste sentido que xa en 2011 “o Ministerio de Sanidade publicou un primeiro documento de análise de situación das terapias naturais en colaboración co Instituto de Saúde Carlos III”.

PUBLICIDADE EN XORNAL GALEGO
PUBLICIDADE EN XORNAL GALEGO

Ademais, en relación á resolución publicada pola Axencia Española de Medicamentos e Produtos Sanitarios (AEMPS) dos 2.008 medicamentos homeopáticos que os laboratorios comunicaron para adecualo ao novo regulamento, esta Asemblea valorouno “de forma moi positiva” para que España adecúe a súa normativa á do resto dos Estados Membros da Unión Europea.