Galicia perde catro bandeiras azuis en praias pero volve situarse no segundo posto, con 109 en 2018 Recibe 15 para portos deportivos, tres menos que o ano pasado; pero é a primeira con 23 distincións para carreiros Nesta nova edición 2018, Sanxenxo (Pontevedra) volve a repetir a posición como o concello galego e do conxunto
Galicia perde catro bandeiras azuis en praias pero volve situarse no segundo posto, con 109 en 2018
Recibe 15 para portos deportivos, tres menos que o ano pasado; pero é a primeira con 23 distincións para carreiros
Nesta nova edición 2018, Sanxenxo (Pontevedra) volve a repetir a posición como o concello galego e do conxunto estatal con máis bandeiras azuis, con un total de 13.
Na Coruña, as novidades deste ano son Mañons, en Boiro; Razo, en Carballo; e Oza, na Coruña. En Lugo, Ou Portelo, en Burela; e Areoura, en Foz; e en Pontevedra, Santa Marta, en Baiona; e Areas e Caneliñas, en Sanxenxo.
Contando praias e portos deportivos (15, tres menos que o pasado ano), son 124 as bandeiras azuis con que contará Galicia. Reciben esta distinción en Pontevedra Monte Real Club de Iates de Baiona, o porto de Moaña, o de Cangas do Morrazo, o Juan Carlos I (Sanxenxo), o de Portonovo (Sanxenxo), porto Pedras Negras-C.N. San Vicente do Mar (O Grove).
Na Coruña, correspóndelles tamén bandeira azul ao C.N. Boiro-Mariña Cabo de Cruz, porto de Muxía, R.C.N. Portosín (Porto do Son), C.N. de Camariñas, R.C.N. A Coruña-Mariña Real, C.N. Sada e C.N. Ría de Ares. Por último, en Pontevedra, percíbea Mariña Viveiro P.D. Ribadeo.
Os criterios esixidos para a obtención de bandeiras azuis están relacionados coa calidade das augas, que ten que ser excelente; a seguridade, a completa dotación de servizos, a accesibilidade, a adecuada xestión ambiental e a sustentabilidade dos areais e as dársenas.
CARREIROS E CONCELLOS CON BANDEIRA AZUL
A maiores, a comunidade galega álzase coa primeira posición en canto a carreiros azuis, xa que suma 23 itinerarios que enlazan praias ou portos con bandeira azul.
Por último, a Xunta felicita aos concellos de Bueu, Sanxenxo, Illa de Arousa, Vigo, Redondela, Marín, Oleiros, Boiro, Muros, A Laracha, Camariñas, Burela e Cervo, polo seu recoñecemento como centros azuis.
Leave a Comment
You must be logged in to post a comment.