Novo golpe para Astra Zeneca

AstraZeneca non logrou o seu obxectivo para combater o cancro de pulmón. E é que, segundo informou Reuters, o seu medicamento de inmunoterapia imfinzi non cumpriu co obxectivo principal de mellorar as taxas de supervivencia dos pacientes coa forma máis avanzada de cancro de pulmón.

O estudo, coñecido como ‘Mystic’, foi un dos experimentos clínicos máis anticipados da industria e considerouse fundamental para demostrar o valor da nova liña de medicamentos do grupo e o seu futuro como unha compañía independente, despois de que rexeitase un intento de adquisición de 118.000 millóns de dólares (103.300 millóns de euros) por parte de Pfizer.