Xornal Galego 
Aínda que pareza imposible, o rostro pode informar sobre a súa estrutura, constitución, carácter, personalidade, pero tamén a fatiga, o malestar, o esgotamento, a dor. A fisonomía do rostro cambia de acordo ás alteracións psíquicas e físicas que se produzan no organismo. Esther R | Xornal Galego Por iso, un grupo de científicos deseñaron un
Aínda que pareza imposible, o rostro pode informar sobre a súa estrutura, constitución, carácter, personalidade, pero tamén a fatiga, o malestar, o esgotamento, a dor.
A fisonomía do rostro cambia de acordo ás alteracións psíquicas e físicas que se produzan no organismo.
Esther R | Xornal Galego
Por iso, un grupo de científicos deseñaron un modelo de computador que predicir con precisión a saúde en función da forma do rostro. A realidade é que cada enfermidade ten as súas características no rostro, sendo importante o que diga ela para un diagnóstico clínico.
Para logralo, Ian Stephen,doutor da Universidade Macquarie en Sydney (Australia), conxuntamente con outros doutores, realizou un estudo da análise da forma facial para detectar correctamente marcadores de saúde fisiológica en máis de 270 individuos de diferentes etnias. “Desenvolvemos un modelo de computadora”, explicou Stephen, para detallar a continuación que “o modelo pode determinar a información sobre a saúde dunha persoa simplemente analizando o seu rostro”.
O primeiro que fixeron foi usar 272 fotografías de diferentes rostros para preparar á computadora para recoñecer a graxa corporal, o IMC e a presión arterial das persoas a partir da forma das súas caras”. Despois ordenóuselle ao computador que prognosticase tres variables de saúde noutras caras e a mesma logrou facelo.
Entón, os investigadores tamén deseñaron unha aplicación que permitía aos participantes humanos cambiar a aparencia do rostro, en función de que se visen o máis saudable posible, e desta forma avaliar se os humanos detectaban os sinais da mesma maneira. “Descubrimos que os participantes alteraban as caras para que tivesen menos graxa, tiñan un IMC máis baixo e, en menor medida, unha presión arterial máis baixa, para que tivesen un aspecto máis saudable”, especifica Stephen.
Por tanto, os cerebros funcionan de forma moi parecida ao modelo de computadora, e poden predicir a saúde desde unha forma facial con sorprendente precisión.
Autor
Leave a Comment
You must be logged in to post a comment.