Outubro finalizou cunha subida interanual do 4,3% na factura eléctrica do usuario medio
Ha volto a superar os 80 euros por terceiro mes consecutivo. FACUA critica que o Goberno siga sen emprender medidas de alcance para abaratar o recibo.

Outubro finalizou cunha subida interanual do 4,3% na factura eléctrica do usuario medio, segundo a análise de FACUA-Consumidores en Acción. O seu importe estivo 3,35 euros por encima dos 77,25 de hai doce meses.

FACUA critica que o Goberno siga sen emprender medidas de alcance para abaratar o recibo e que freen a especulación do oligopolio enerxético. As escasas actuacións que deu a coñecer o Executivo de Pedro Sánchez non producirán unha baixada significativa nun infladísimo recibo ao que centos de miles de familias nin sequera poden facer fronte, denuncia a asociación.

Terceiro mes consecutivo por encima dos 80 euros

O recibo para un usuario medio (355 kWh de consumo e 4,4 kW de potencia contratada) volveu a superar os 80 euros por terceiro mes consecutivo. Á espera de coñecer que ocorrerá coas tarifas en novembro e decembro, a factura máis cara do ano até a data coas tarifas semirreguladas (PVPC) foi a de setembro, 83,55 euros, seguida da de agosto, 80,73 euros, e a de outubro, 80,66 euros.

En xullo, o mesmo recibo foi de 78,39 euros, en xuño situouse en 76,71 euros, en maio en 75,34 euros, en abril en 69,94 euros, en marzo en 69,46 euros, en febreiro en 76,32 euros e en xaneiro en 74,81 euros.

As análises de FACUA pon de manifesto que a factura da luz máis cara a nivel histórico foi a do primeiro trimestre de 2012, cando se situou en 88,66 euros para o usuario medio (tras a corrección da tarifa fixada polo Goberno por unha sentenza do Tribunal Supremo). Tras ela, os 87,81 euros de xaneiro de 2017 e os 83,55 euros deste setembro. A cuarta factura máis elevada representou 81,18 euros, correspondente ás tarifas xullo de 2015 e a quinta 80,73 euros, de agosto deste ano.

As demandas de FACUA ao Goberno

FACUA trasladou o pasado setembro ao Goberno un documento coas súas reivindicacións para reducir a factura eléctrica das familias españolas. A baixada do IVE da electricidade é unha das demandas da asociación. Baixalo ao ao 4% aforraría ao usuario medio case 130 euros anuais. Así o pon de manifesto unha análise realizada pola asociación tomando como referencia as tarifas dos doce meses comprendidos entre setembro de 2017 e agosto de 2018 coa aplicación dos impostos indirectos vixentes na actualidade e a baixada de case 18 puntos porcentuais que representaría a aplicación do IVE superreducido.

A principal medida proposta por FACUA é a creación dunha tarifa regulada para todas as familias que non superen os 10 kW de potencia contratada e determinados límites de consumo. A análise realizada polo equipo xurídico da asociación pon de manifesto que co debido desenvolvemento normativo, esta fórmula non implicaría contradicións coa lexislación comunitaria. Os desproporcionados prezos da luz, a ausencia de competencia no sector e a situación económica das familias españolas justifican o establecemento dunha tarifa fixada polo Goberno para protexer aos consumidores.

A asociación advirte de que o bono social do Goberno de Rajoy foi fracaso aínda maior que o que se aprobou durante a etapa socialista de Zapatero. Neste sentido, os leves cambios inroducidos polo Executivo de Pedro Sánchez seguen sen garantir descontos significativos e mantén uns niveis de renda excesivamente baixos para acceder a el -salvo ás familias numerosas, que poden beneficiarse todas-.